أميره مصر
2010-03-11, 05:40 PM
لاقيت واحده صاحبتي عماله تبكي بحراراه
سألتها مالك يابنتي إيه الي مضايقك كده
لاقيتها بترد عليه بتقولي
(والدي إتجنن رسمي )
قلتلها عيب كده ليه يابنتي فيه واحده
تقول علي بابها إتجنن
قالتلي إسكتي بالله عليكي إنتي مش عارفه الجحيم إلي أنا عايشه فيه
حاجه تقرف يارب خدني وريحني
قلتلها اهدي بس يابنتي وإحكيلي مالك
قالتلي والدي علي طول عصبي وياريت عصبيه معقوله
لا عصبيه ومعاها لسان سليط
يعني فيه ناس كتير عصبيه بس بتزعق وخلاص انما ده بيزعق
ويشتم ويغلط ويفضل يدعي علينا كأنه مش أبونا أبدا
قللتها طيب ماجايز تكونوا إنتوا بتزعلوه
قالتلي والله العظيم هو علي طول كده
من أقل كلمه يطلع في شره
ودايما يتخانق هو ووالدتي قدامنا
لما طلعنا بنكره البيت والجواز والدنيا كلها
كل ماوالدتي تيجي تقله حاده يكون رده
وإنتي مالك إنتي محدش فيكوا ليه حاجه عندي
أنا أعمل إلي أنا عاوزه
انتي مالكيش أي قيمه في البيت لانتي ولا ولادك
لما طلعنا بنكره وجوده في البيت
بنتمني انه يفضل بره البيت طول النهار
اول مابنسمع صوته طالع علي السلم بنعمل نفسنا نايمين
علشان مانقعدش معاه ولانشوفه
سألتها ليه يابنتي كل ده جايز فيه شئ مضايقه
قالتلي يابنتي إيه الي مضايقه دا حتي مش بيتعب في شغله ولاحاجه
هو بيروح شغل الحكومه مرتبها طبعا بسيط
ووالدتي بتشتغل بمرتب كبير جدا تقريبا هو الي بيصرف علي البيت
ومع ذلك والله مابتشتري حاجه لنفسها كل مرتبها في البيت
وهو عايش حياته مروق ولبس جديد كل شويه وساعات من أغلي الأنواع
وماما لو قالته المفروض اني اسيب جزء من مرتبي لنفسي زي الدين ماقال
يرد عليها يقولها يبقي إقعدي في البيت أحسن مش تطلعي تشتغلي وكمان ماتصرفيش
مرتبك كله علي البيت
قلتلها طيب ماجايز ده الي مضايقه انه حاسس ان مراته هي الي راجل البيت
قالتلي بالعكس احنا طلبنا منه كام مره انه يعمل مشروع كويس تاني
او يشوف شغل تاني بالاضافه لشغله يرفض
هو عاوز يبقي مرتاح كده دايما
ومع ذلك دايما يقول يقلل من قيمه والدتي ويحسسها انها مابتعملش حاجه
عاوزاها تيجي من الشغل تطبخ وتكنس وهو حتي لو شاف كوبايه
قدامه مش عاوز يشيلها
فانا قلتلها مالكيش دعوه انتي يابنتي وهو ومراته أحرارلا مع بعض
قالتلي يابنتي المشكله مش حكايه والدتي بس
أنا كمان خلاص كبرت وبقيت دكتوره ومع ذلك دايما مع اقل كلمه
هزار يشتمني بالأفاظ جارحه ولما اقله انا مش صغيره لكده
المفروش تحافظ علي ركامتي
يقولي انتي مالكيش كرامه هنا كرامتك عندي بالجزمه
ونفس المعامله بيعامل بيها اخواتي
دايما صوتنا عالي والجيران علي طول تسمع صوتنا
عاوزني اجبله ساكن لشقه فاضيه عندنا بقله مش هينفع اجيب دكتور زميلي
يسكن وانتوا دايما صوتكوا كده هتفضحوني قدامه
رد عليا وشتمني وقعد يزعق
انا بقيت مكسوفه وانا طالعه من البيت
علشان نظره الجيران ليا
لانه بردوا دايما يزعق من الناس علي أقل حاجه ويتخانق معاهم
بقيت بخاف من كل الرجاله مش عاوزه أتجوز خايفه جوزي يطلع زييه
ودي كانت حكايه صاحبتي
بصراحه انا معرفتش ارد عليها أقول ايه
بجد عرفت ان الأب مش كلمه وبس
وز ماكانوا بيقولوا دايما في الإعلانات القديمه
(الراجل مش بس بكلمته *الراجل برعايته لبيته وأسرته)
سألتها مالك يابنتي إيه الي مضايقك كده
لاقيتها بترد عليه بتقولي
(والدي إتجنن رسمي )
قلتلها عيب كده ليه يابنتي فيه واحده
تقول علي بابها إتجنن
قالتلي إسكتي بالله عليكي إنتي مش عارفه الجحيم إلي أنا عايشه فيه
حاجه تقرف يارب خدني وريحني
قلتلها اهدي بس يابنتي وإحكيلي مالك
قالتلي والدي علي طول عصبي وياريت عصبيه معقوله
لا عصبيه ومعاها لسان سليط
يعني فيه ناس كتير عصبيه بس بتزعق وخلاص انما ده بيزعق
ويشتم ويغلط ويفضل يدعي علينا كأنه مش أبونا أبدا
قللتها طيب ماجايز تكونوا إنتوا بتزعلوه
قالتلي والله العظيم هو علي طول كده
من أقل كلمه يطلع في شره
ودايما يتخانق هو ووالدتي قدامنا
لما طلعنا بنكره البيت والجواز والدنيا كلها
كل ماوالدتي تيجي تقله حاده يكون رده
وإنتي مالك إنتي محدش فيكوا ليه حاجه عندي
أنا أعمل إلي أنا عاوزه
انتي مالكيش أي قيمه في البيت لانتي ولا ولادك
لما طلعنا بنكره وجوده في البيت
بنتمني انه يفضل بره البيت طول النهار
اول مابنسمع صوته طالع علي السلم بنعمل نفسنا نايمين
علشان مانقعدش معاه ولانشوفه
سألتها ليه يابنتي كل ده جايز فيه شئ مضايقه
قالتلي يابنتي إيه الي مضايقه دا حتي مش بيتعب في شغله ولاحاجه
هو بيروح شغل الحكومه مرتبها طبعا بسيط
ووالدتي بتشتغل بمرتب كبير جدا تقريبا هو الي بيصرف علي البيت
ومع ذلك والله مابتشتري حاجه لنفسها كل مرتبها في البيت
وهو عايش حياته مروق ولبس جديد كل شويه وساعات من أغلي الأنواع
وماما لو قالته المفروض اني اسيب جزء من مرتبي لنفسي زي الدين ماقال
يرد عليها يقولها يبقي إقعدي في البيت أحسن مش تطلعي تشتغلي وكمان ماتصرفيش
مرتبك كله علي البيت
قلتلها طيب ماجايز ده الي مضايقه انه حاسس ان مراته هي الي راجل البيت
قالتلي بالعكس احنا طلبنا منه كام مره انه يعمل مشروع كويس تاني
او يشوف شغل تاني بالاضافه لشغله يرفض
هو عاوز يبقي مرتاح كده دايما
ومع ذلك دايما يقول يقلل من قيمه والدتي ويحسسها انها مابتعملش حاجه
عاوزاها تيجي من الشغل تطبخ وتكنس وهو حتي لو شاف كوبايه
قدامه مش عاوز يشيلها
فانا قلتلها مالكيش دعوه انتي يابنتي وهو ومراته أحرارلا مع بعض
قالتلي يابنتي المشكله مش حكايه والدتي بس
أنا كمان خلاص كبرت وبقيت دكتوره ومع ذلك دايما مع اقل كلمه
هزار يشتمني بالأفاظ جارحه ولما اقله انا مش صغيره لكده
المفروش تحافظ علي ركامتي
يقولي انتي مالكيش كرامه هنا كرامتك عندي بالجزمه
ونفس المعامله بيعامل بيها اخواتي
دايما صوتنا عالي والجيران علي طول تسمع صوتنا
عاوزني اجبله ساكن لشقه فاضيه عندنا بقله مش هينفع اجيب دكتور زميلي
يسكن وانتوا دايما صوتكوا كده هتفضحوني قدامه
رد عليا وشتمني وقعد يزعق
انا بقيت مكسوفه وانا طالعه من البيت
علشان نظره الجيران ليا
لانه بردوا دايما يزعق من الناس علي أقل حاجه ويتخانق معاهم
بقيت بخاف من كل الرجاله مش عاوزه أتجوز خايفه جوزي يطلع زييه
ودي كانت حكايه صاحبتي
بصراحه انا معرفتش ارد عليها أقول ايه
بجد عرفت ان الأب مش كلمه وبس
وز ماكانوا بيقولوا دايما في الإعلانات القديمه
(الراجل مش بس بكلمته *الراجل برعايته لبيته وأسرته)